Gala Internacional de Maxia "Galicia Ilusiona"

Events

Gala Internacional de Maxia "Galicia Ilusiona"

Festival Internacional de Ilusionismo Galicia Ilusiona Gran Gala Internacional “Galicia Ilusiona”. Unha selección dos novos mellores números do ilusionismo mundial, unha oportunidade única de ver sobre o mesmo escenario aos máis premiados magos e magas do planeta. Na Gala participarán: Miguel Muñoz (España): Miguel Muñoz é campión mundial de maxia, o máximo galardón que pode obter un ilusionista, e como non, tiña que estar na Gran Gala Internacional “Galicia Ilusiona”. Ademais, é un dos personaxes principais da película “Dumbo” de Tim Burton. A súa maxia é pura poesía visual, unha marabilla! Paul Ponce (Arxentina): Paul Ponce é considerado un dos mellores malabaristas do mundo enteiro, a destreza e velocidade das súas mans son pura maxia. Un número realmente espectacular dun artista enerxético e carismático, cun ritmo realmente asombroso. Un luxo poder desfrutar da súa arte en Galicia Ilusiona. Dania Díaz (Venezuela): Dania Diaz é unha maga venezolana que triunfa polo mundo adiante coa sua maxia tan peculiar, ao mesturar ilusións coa narración de historias. Foi botón dourado no programa de televisión “Got Talent” e participou no prestixioso “Got Talent: The Champions” en Estados Unidos. Amadeo Edama (España): Edama é especialista en maxia de gran formato, grandes ilusións visuais onde todo é posible. Recibiu multitude de premios e presentou os seus números nos mellores teatros. Chega a Galicia Ilusiona para deixarnos coa boca ben aberta! Dúo Kybalion (Arxentina e Rusia): O Dúo Kybalion está formado por Inna Rudova (Rusia) e Guillermo Neumayer (Arxentina). Son expertos en cambios ultrarrápidos de vestiario e levaron o seu acto a máis de 30 países de todo o mundo, abraiando a audiencias e conseguindo grandes ovacións. Para todos os públicos, duración aproximada: 1:30h.

Más información

Magia Galicia